កំណត់ពេលវេលាបិទ កម្មវិធីចាក់ចំរៀង iPod ដោយស្វ័យប្រវត្តិ ពេលចាក់វាស្តាប់មិនពេលគេង

 សំរាប់លោកអ្នក ដែលចូលចិត្តចាក់ស្តាប់ចំរៀង មុនពេលគេង ហើយខ្ជិលងើបមកបិទ iPhone នោះ ពេលនេះ យើងមាន គន្លឹះខ្លីៗ ដែលអាចអោយ លោកអ្នក កំណត់ពេលវេលា បិទកម្មវិធី ចាក់ចំរៀង iPod ដោយស្វ័យប្រវត្តិ បានហើយ។ វិធីនេះ មិនត្រូវការប្រើ កម្មវិធីបន្ថែមនោះទេ គឺត្រូវប្រើ កម្មវិធីនាឡិការ រាប់ម៉ោងថយក្រោយ Clock ដែលមានស្រាប់មកជាមួយ iPhone​​ តែប៉ុណ្ណោះ។ សូមអនុវត្ត តាមជំហានខាងក្រោម។

វិធីអនុវត្តន៍

1. ជាដំបូង សូមចូលទៅ បើកកម្មវិធីនាឡិកា "Clock" ជ្រើសរើសយក "Timer" បន្ទាប់មក កំណត់ម៉ោង និងនាទី ដែលលោកអ្នក ចង់អោយវា រាប់ថយក្រោយ ដើម្បីបិទកម្មវិធី iPod។

2. បន្ទាប់មក ចុចលើពាក្យ When Timer Ends រួចរំកិលអេក្រង់ទៅខាងក្រោម

រួចរើសយក Sleep iPod

 3. ចុងបញ្ចប់ សូមចុចប៉ូតុង Start ដើម្បីអោយវា ចាប់ផ្តើមរាប់ម៉ោងថយក្រោយ ដើម្បីបិទកម្មវិធី iPod។

4. បើកកម្មវិធី iPod រួចចាក់ភ្លេងដែលលោកអ្នក ពេញចិត្ត ដោយមិនបាច់ខ្វល់ងើបមកចុចបិទវានោះទេ៕

ដកស្រង់ពី http://www.ioskhmer.com